స్పై డ్రామాగా దాదాపు న‌ల‌భై ఏళ్ల త‌ర్వాత బ్లాక్ అండ్ వైట్‌లో రూపొందిన `గ్రే` సినిమా త‌ప్ప‌కుండా మీ అంద‌రికీ న‌చ్చుతుంది - ద‌ర్శ‌కుడు రాజ్ మ‌దిరాజు.
ప్ర‌తాప్ పోతన్, అరవింద్ కృష్ణ, అలీ రెజా, ఊర్వశీరాయ్ ప్ర‌ధాన పాత్ర‌ల్లో అద్వితీయ మూవీస్ ప్రై.లి ప‌తాకంపై ప్రొడ‌క్ష‌న్ నెం.1గా రూపొందుతున్న చిత్రం `గ్రే`. స్పై థ్రిల్ల‌ర్‌గా తెర‌కెక్కుతోన్న ఈ చిత్రానికి రాజ్ మ‌దిరాజు ద‌ర్శ‌క‌త్వం వ‌హిస్తున్నారు. కిరణ్ కాళ్లకూరి నిర్మాత‌గా వ్య‌వ‌హ‌రిస్తున్నారు. ద స్పై హూ ల‌వ్డ్ మి అనే ట్యాగ్‌లైన్ తో తెర‌కెక్కిన ఈ మూవీ త్వ‌ర‌లోనే ప్రేక్ష‌కుల ముందుకు రానుంది. ఈ సంద‌ర్భంగా ఏర్పాటు చేసిన విలేఖ‌రుల స‌మావేశంలో..
రాజ్ మ‌దిరాజ్ మాట్లాడుతూ - ``ఐదారేళ్ల క్రితం మ‌న‌దేశంలో రెండేళ్ల వ్య‌వ‌ధిలో దాదాపు 12మంది న్యూక్లియ‌ర్ సైంటిస్టులు క‌న‌ప‌డ‌కుండా పోయారు. ఇలా గ‌తంలో కూడా చాలా సార్లు జ‌రిగింది. వీట‌న్నింటికి కార‌ణం ఏంటంటే ఫారెన్ ఇంటెలిజెన్స్ ఏజెన్సిస్. వారు చాలా జాగ్ర‌త్త‌గా వ‌ల‌ప‌న్ని చేసిన ఆప‌రేష‌న్స్ అవ‌న్ని. అందులోనుండి పుట్టిన ఐడియానే గ్రే మూవీ..మ‌నం సాధార‌ణంగా మంచిని తెలుపుగాను, చెడును న‌లుపుగాను చూస్తుంటాం. కాని ఆ రెండు క‌ల‌ర్స్ మ‌ధ్య‌లో కొన్ని వంద‌ల షేడ్స్‌ ఉంటాయి. ప్ర‌తి ఆలోచ‌న వెనుక మ‌న ఆలోచ‌న‌ల‌కు కూడా అంద‌ని కొన్ని వింతైన ఎక్స్‌ప్రెష‌న్స్ ఉంటాయి. అదే గ్రే..ఒక స్పై డ్రామా. అరవింద్ కృష్ణ‌తో రెండు సినిమాలు చేశాను. మ‌ళ్లీ అత‌నితో క‌లిసి చేయడం హ్యాపీ. ఈ సినిమాలో డాక్ట‌ర్ క్యారెక్టర్ చేశారు. అలీ రెజాని బిగ్‌బాస్ త‌ర్వాత క‌లిశాను. చాలా మంచి న‌టుడు. వీరిద్ద‌రితో పాటు ప్ర‌తాప్ పోతన్ గారు ఒక ఇంపార్టెంట్ క్యారెక్టర్ చేయడం జ‌రిగింది. ఒక ర‌కంగా సూత్ర‌ధారి క్యారెక్టర్. ఊర్వ‌శీ రాయ్ హీరోయిన్‌గా ఇంట్ర‌డ్యూస్ అవుతుంది. ఆమెది లీడింగ్ లేడీ క్యారెక్టర్. సినిమా ఫ‌స్ట్ కాపీ చూశాం. చాలా బాగా వ‌చ్చింది. మా టీమ్ అంద‌రికీ న‌చ్చింది. ఆడియ‌న్స్ కి కూడా త‌ప్ప‌కుండా నచ్చుతుందని న‌మ్ముతున్నాను. దాదాపు 40 ఏళ్ల త‌ర్వాత బ్లాక్ అండ్ వైట్‌లో వ‌స్తున్న చిత్రమిది. దానికోసం అన్ని అంశాల‌ను రీసెర్చ్ చేయడం జ‌రిగింది`` అన్నారు.
న‌టుడు అలీ రెజా మాట్లాడుతూ - ``కాసేప‌టి క్రిత‌మే సినిమా చూశాను. మా అంద‌రికీ న‌చ్చింది. నా క్యారెక్టర్ చాలా బాగా చేశాను అనుకుంటున్నాను. క‌థ విన్న‌ప్పుడు, షూటింగ్ చేసిన‌ప్పుడు ఎంత కాన్ఫిడెంట్‌గా ఉన్నానో ఈ రోజు సినిమా చూసిన త‌ర్వాత అంత‌కంటే ఎక్కువ కాన్ఫిడెంట్‌గా ఉన్నాను. త‌ప్ప‌కుండా మీ అంద‌రికీ నచ్చుతుందని న‌మ్ముతున్నాను`` అన్నారు
హీరోయిన్ ఊర్వశీరాయ్ మాట్లాడుతూ - ``ఈ సినిమాలో నేను ఆరూషీ అనే పాత్ర చేయడం జ‌రిగింది. సినిమా చాలా బాగా వ‌చ్చింది. ఇలాంటి ఒక మంచి సినిమాతో హీరోయిన్‌గా ఇంట్ర‌డ్యూస్ అవుతున్నందుకు హ్యాపీ..ఈ అవ‌కాశం ఇచ్చిన రాజ్ మ‌దిరాజు గారికి మా నిర్మాత కిరణ్ గారికి థ్యాంక్స్‌. అంతా ఒక ఫ్యామిలీలా క‌లిసి షూటింగ్ చేశాం. అరవింద్, అలీ చాలా స‌పోర్ట్ చేశారు. ప్ర‌తాప్ పోతన్ గారితో న‌టించ‌డం బెస్ట్ ఎక్స్‌పీరియ‌న్స్‌. త‌ప్ప‌కుండా అంద‌రు సినిమా చూడండి`` అన్నారు.
న‌టుడు అరవింద్ కృష్ణ మాట్లాడుతూ - ``ఈ రోజు ప్ర‌పంచంమొత్తం తెలుగు సినిమావైపు చూస్తుంది. మ‌న కాంటెంట్ ప్ర‌పంచం న‌లుమూల‌ల‌కి వెళ్తుంది. గ్రే సినిమా కాంటెంట్ కూడా అంద‌రికీ నచ్చుతుందని న‌మ్ముతున్నాను. రాజ్ గారు చాలా రీసెర్చ్ చేసి ఈ సినిమా రూపొందించారు. యాక్ట‌ర్స్ అంద‌రికీ పూర్తి స్వేచ్చ‌ను ఇచ్చి న‌టింప‌జేశారు. అలీతో క‌లిసి న‌టించ‌డం ఒక గ్రేట్ ఎక్స్‌పీరియ‌న్స్‌. ఊర్వ‌శీకి మంచి భవిష్య‌త్ ఉంటుంది. ప్ర‌తాప్ గారితో న‌టించ‌డం అద్భుత‌మైన ఎక్స్‌పీరియ‌న్స్‌. ప్ర‌స్తుతం తెలుగు ప్రేక్ష‌కులు ఇలాంటి సినిమాల కోస‌మే ఎదురుచూస్తున్నారు అని నేను న‌మ్ముతున్నాను. మీ అంద‌రి అంచ‌నాల‌ను అందుకోవాల‌ని మ‌న‌స్పూర్తిగా కోరుకుంటున్నాను`` అన్నారు.
నిర్మాత కిరణ్ కాళ్లకూరి మాట్లాడుతూ - ``ఈ సినిమాతో ఎంతో మంది మంచి నటీనటులు, టెక్నీషియ‌న్స్ సినిమా ఇండ‌స్ట్రీకి ప‌రిచ‌య‌మ‌వుతున్నారు. అద్వితీయ మూవీస్ ముఖ్య ఉద్దేశ్యం కూడా అదే.. వీలైనంత ఎక్కువ మంది కొత్త ఆర్టిస్టులు, టెక్నీషియ‌న్స్‌ని ప‌రిచ‌యం చేయడం. మా బేన‌ర్‌లో మ‌రో మూడు సినిమాలు తెర‌కెక్కుతున్నాయి. `గ్రే` సినిమాని ఇంత బాగా తీసిన రాజ్ మ‌దిరాజుగారికి, ఆయ‌న‌కి పూర్తి స‌హ‌కారం అందించిన మా ఎగ్జిక్యూటివ్ ప్రొడ్యూస‌ర్ మ‌హేశ్ చ‌ద‌ల‌వాడ గారికి థ్యాంక్స్‌. రెండు గంట‌లు హ్యాపీగా చూసే చిత్రమిది. త‌ప్ప‌కుండా మీ అంద‌రికీ న‌చ్చుతుంది`` అన్నారు.
నటీనటులు
ప్ర‌తాప్ పోతన్, అరవింద్ కృష్ణ, అలీ రెజా, ఊర్వశీరాయ్, రాజ్ మ‌దిరాజు, షాని సాల్మోన్‌, న‌జియా, సిద్ధార్థ్‌
సాంకేతిక నిపుణులు
ర‌చ‌న- ద‌ర్శ‌క‌త్వం: రాజ్ మ‌దిరాజు
నిర్మాత: కిరణ్ కాళ్లకూరి, మాధురి కాళ్లకూరి
స‌హ నిర్మాత: రాజేష్ తోరేటి, రాజా వ‌శిష్ట, శ్రీదేవి కాళ్లకూరి
ఎగ్జిక్యూటివ్ ప్రొడ్యూస‌ర్: ఉమామ‌హేశ్వ‌ర్ చ‌ద‌ల‌వాడ
సినిమాటోగ్రాఫ‌ర్: ఎమ్ ఆర్ చేత‌న్ కుమార్‌
ఆర్ట్ డైరెక్ట‌ర్: రాజీవ్ నాయ‌ర్‌
మ్యూజిక్: నాగ‌రాజు తాల్లూరి
ఎడిట‌ర్: స‌త్య గిదుటూరి
మేక‌ప్: విమ‌లా రెడ్డి
యాక్ష‌న్: వింగ్ చున్‌ అంజి
ప్రొడ‌క్ష‌న్ మేనేజ‌ర్‌: సంజ‌య్‌
కాస్ట్యూమ్ డిజైన‌ర్‌: హేమంత్ సిరి
పీఆర్వో: శ్రీను- సిద్ధు
