విక్రమాదిత్య ఎవరు..? ప్రభాస్ పుట్టిన రోజు సందర్భంగా విడుదల కానున్న రాధే శ్యామ్ టీజర్..
చాలా సంవత్సరాల తర్వాత ప్రభాస్ మళ్లీ రొమాంటిక్ జోనర్లో సినిమా చేస్తున్నారు. దాదాపు పదేళ్ల తర్వాత రాధే శ్యామ్ సినిమాలో విక్రమాదిత్య అనే రొమాంటిక్ పాత్రలో నటిస్తున్నారు ప్రభాస్. ఈ మధ్య హీరోయిన్ పూజా హెగ్డే పుట్టిన రోజు ఆమె స్పెషల్ బర్త్ డే పోస్టర్ విడుదల చేశారు. ఇప్పుడు ప్రభాస్ పోస్టర్ విడుదల చేశారు దర్శక నిర్మాతలు. ఆయన పుట్టిన రోజు సందర్భంగా టీజర్ విడుదల చేయబోతున్నారు. విక్రమాదిత్య అంటే ఎవరు అంటూ పోస్టర్‌పై రాసుకొచ్చారు. టీజర్‌లో దీనికి సమాధానం చెప్పబోతున్నారు. తాజాగా విడుదలైన పోస్టర్‌లో బాగా ఆలోచిస్తున్నారు ప్రభాస్. ఈ ఫోటోలో ప్రభాస్ లుక్స్ చాలా షార్ప్‌గా ఉన్నాయి. కళ్లలో ఏదో తెలియని కంగారు కూడా కనిపిస్తుంది. మొత్తంగా ఈ పోస్టర్ చాలా ఇంటెన్స్‌గా అనిపిస్తుంది. బాగా లోతుగా అర్థం కనిపిస్తుంది. విడుదలైన క్షణం నుంచి పాజిటివ్ రెస్పాన్స్ అందుకుంది ఈ పోస్టర్.
ఈ సినిమా కోసం అభిమానులు ఆసక్తిగా వేచి చూస్తున్నారు. ఒక్కో పోస్టర్ విడుదలవుతున్న సమయంలో వాటికి వస్తున్న స్పందన చూస్తుంటే.. మేకర్స్‌పై మరింత భాద్యత పెరిగిపోతుంది. ఈ సినిమా నుంచి ఇప్పటి వరకు విడుదలైన ప్రతీ కంటెంట్‌ను కూడా మనస్పూర్థిగా ఆహ్వానించారు ఫ్యాన్స్. ప్రతీ పోస్టర్‌కు అద్భుతమైన రెస్పాన్స్ అందించారు. తాజాగా అక్టోబర్ 23న ప్రభాస్ పుట్టిన రోజు సందర్భంగా విక్రమాదిత్య కారెక్టర్ టీజర్ విడుదల చేయబోతున్నారు దర్శక నిర్మాతలు. ఈ టీజర్‌లో డైలాగ్స్ అన్నీ ఇంగ్లీష్‌లో ఉండబోతున్నాయి. భిన్నమైన భాషల్లో సబ్ టైటిల్స్ కనిపిస్తాయి. ఈ సినిమాలో ప్రభాస్, పూజా హెగ్డే జంటగా నటిస్తున్నారు. కొన్ని రోజులుగా విడుదలవుతున్న ఈ సినిమా లుక్స్ చూసిన తర్వాత ఎప్పుడెప్పుడు వాళ్లను తెరపై చూస్తామా అని అభిమానులు వేచి చూస్తున్నారు. జనవరి 14, 2022న ఈ సినిమా విడుదల కానుంది. తెలుగుతో పాటు పాన్ ఇండియన్ స్థాయిలో రాధే శ్యామ్ విడుదల కానుంది. రాధాకృష్ణ కుమార్ తెరకెక్కిస్తున్న ఈ సినిమాను డాక్టర్ యువీ కృష్ణంరాజు గారు సమర్పిస్తున్నారు. యువీ క్రియేషన్స్ నిర్మిస్తున్న ఈ సినిమాకు వంశీ, ప్రమోద్, ప్రసీధ నిర్మాతలు.
నటీనటులు:
ప్రభాస్, పూజా హెగ్డే, కృష్ణంరాజు, భాగ్య శ్రీ, ప్రియదర్శి, సచిన్ ఖేడ్‌కర్, మురళీ శర్మ, కునాల్ రాయ్ కపూర్ తదితరులు
టెక్నికల్ టీమ్:
కథ, స్క్రీన్ ప్లే, దర్శకుడు: రాధాకృష్ణ కుమార్
నిర్మాతలు: వంశీ, ప్రమోద్, ప్రసీధ
బ్యానర్స్: గోపీ కృష్ణ మూవీస్, యూవీ క్రియేషన్స్
సంగీతం: జ‌స్టిన్ ప్ర‌భాక‌ర‌న్ (తెలుగు, తమిళ, కన్నడ, మలయాళం), మిథూన్, అనూ మాలిక్, మనన్ భరద్వాజ్ (హిందీ)
సినిమాటోగ్రఫీ: మనోజ్ పరమహంస
ఎడిటర్: కోటగిరి వెంకటేశ్వరరావు
ప్రొడక్షన్ కంపెనీస్: యువీ క్రియేషన్స్, టి సిరీస్
పిఆర్ఓ : ఏలూరు శ్రీను
