ఉగాది రోజున బ్రహ్మానందానికి ఎఫ్. ఎన్. సి. సి ఘన సన్మానం
ఉగాది రోజున ఎఫ్. ఎన్. సి. సి ( ఫిలింనగర్ కల్చరల్ సెంటర్) ఆధ్వర్యంలో ఈ ఏడాది ఉగాది సందర్భంగా ప్రముఖ నటుడు, గిన్నిస్ బుక్ ఆఫ్ వరల్డ్ రికార్డ్స్ లోకి ఎక్కిన హాస్యబ్రహ్మ బ్రహ్మానందాన్ని ఫిలింనగర్ కల్చరల్ సెంటర్ సత్కరించబోతోంది. ఉగాది రోజు అంటే ఈనెల 22వ తేదీ సాయంత్రం 6 గంటలకు బ్రహ్మానందం ఘనంగా సత్కరించబోతోంది ఫిలింనగర్ కల్చరల్ సెంటర్ కమిటీ ఈ కార్యక్రమాన్ని ఘనంగా నిర్వహించబోతున్నారు. ఈ కార్యక్రమానికి సినీ, రాజకీయ, క్రీడా రంగాల వారు మాత్రమే కాకుండా అన్ని రంగాల ప్రముఖులు పాల్గొన బోతున్నారు. ఇక ఈ సత్కారాన్ని స్వీకరించవలసిందిగా శుక్రవారం ఉదయం ఎఫ్. ఎన్. సి. సి సెక్రెటరీ ముళ్ళపూడి మోహన్, కమిటీ మెంబర్ పెద్దిరాజు, గోపాలరావు, ఎఫ్. ఎన్. సి. సి కల్చర్ కమిటీ వైస్ చైర్మన్ సురేష్ కొండేటి బ్రహ్మానందం నివాసానికి వెళ్లి కోరారు.
