ఐరావతం ఓ మంచి ఎంగేజింగ్ థ్రిల్లర్..!!!
నూజివీడు టాకీస్ బ్యానర్ పై నిర్మించిన ఐరవతం సినిమా ప్రేక్షకుల ముందు కి వచ్చింది థ్రిల్లింగ్ ఎలిమెంట్స్ తో వచ్చిన ఈ సినిమా ఎలా వుందో ఇప్పుడు చూద్దాం
కథ: శ్లోక (తన్వీ నేగి) ఓ బ్యూటీషియన్. ఆమెకు చిక్కు (అమర్ దీప్ చౌదరి) బాయ్ ఫ్రెండ్. శ్లోకకి పుట్టినరోజు కానుకగా ఓ వైట్ కెమెరాను బహుమతిగా ఇస్తాడు. ఆ కెమెరా ప్రత్యేకత ఏమిటి అంటే... శ్లోక తన వీడియో తీసుకుంటే... తనను పోలిన మరో అమ్మాయి ప్రిన్సీ అనే అమ్మాయి వీడియో ప్లే అవుతుంది. ఇలా ప్లే అయిన ప్రతి సారి ఒక ఇంట్రెస్టింగ్ క్రైం థ్రిల్లర్ స్టోరీ ప్లే అవుతుంది. ఇంతకీ ఆ కెమెరా కి కధ కి ఏంటి సంబంధం
శ్లోక, ప్రిన్సీ ల స్టోరీ ఏంటి ? ఇవ్వని తెలియాలి అంటే సినిమా చూడాలి
కథ.. కథనం విశ్లేషణ: సస్పెన్స్ క్రైం థ్రిల్లర్ మూవీస్ ని ఆడియన్స్ బాగా ఎంజాయ్ చేస్తారనడంలో సందేహం లేదు. ఇది న్యూ ఎజ్ థ్రిల్లర్. కానీ ఐరావతం సినిమాని మాత్రం ప్రేక్షకులు తెగ ఎంజాయ్ చేస్తారు. ఎందుకంటే సినీమా మొదలైనప్పటి నుంచి చివరి క్షణం వరకూ సస్పెన్స్ ట్విస్టులతో అలరిస్తుంది. ఓ వైపు స్టోరీ నెరేషన్ సగటు ప్రేక్షకుడికి కొంత కన్ఫ్యూషన్ కలిగించినా.. చివరకు క్లైమాక్స్ లో ఓ క్లారిటీ వస్తుంది. అక్రమ సంబంధాలతో నిర్లక్ష్యానికి గురైన ఓ అబ్బాయి... చివరకు ఎలా మారాడు అనేది చూపించి మెసేజ్ కూడా ఇచ్చాడు. తాను బాగా ఇష్టపడే అమ్మాయి ఇతరులతో చనువుగా వుండటం భరించలేక... ఎలా హంతకునిగా మారినాడు అనేది ఎంతో థ్రిల్లింగ్ గా చూపించాడు దర్శకుడు. ఐరావతం ఓ మంచి ఎంగేజింగ్ థ్రిల్లర్. ఇలాంటి జోనర్స్ ఇష్టపడే వారు ఈ సినిమాని బాగా ఎంజాయ్ చేస్తారు. ఈ వీకెండ్ లో డిఫరెంట్ మూవీస్ ఇష్టపడే వారికి ఐరావతం మూవీ ఓ మంచి చాయిస్.
హీరో పాత్ర పోషించిన అమర్ దీప్ చౌదరి ఇప్పటికే సీరియల్స్ లో మంచి క్రేజ్ ని సంపాదించుకున్నాడు. సోషల్ మీడియాలో కూడా మంచి ఫాలోయంగ్ వుంది. అందుకే ఈ సినిమాని మాంచి ఇంట్రెస్టింగ్ ప్రమోషన్స్ అండ్ కంటెంట్ తో పబ్లిసటీ పీక్స్ కి తీసుకెళ్లారు. చిక్కు పాత్రలో పక్కింటి అబ్బాయిలా నటించి మెప్పించాడు. హీరోయిన్ ద్విపాత్రాభినయంలో బాగా గుర్తుండి పోయే పాత్రను పోషించింది. ఓ వైపు బ్యుటీషియన్ గా... మరోవైపు మోడల్ గా మోడ్రన్ పాత్రను పోషించి మంచి మార్కులే కొట్టేసింది. సైకో కిల్లర్ పాత్రలో సన్నీగా నటించిన అరుణ్ జాను నటన బాగుంది అతనికి జోడీగా నటించిన ఎస్తర్ మాయగా మరోవైపు వేద పాత్రలో చాలా డీసెంట్ పాత్ర పోషించి ఆకట్టుకుంది. చివర్లో చర్చి ఫాదర్ క్యారెక్టర్ లో సప్తగిరి కనిపించి ప్రేక్షకులను కాసేపు నవ్వించారు. మిగతా పాత్రన్నీ తమ తమ పరిధిలో నటించి తమ పాత్రలకు న్యాయం చేశారు.
డైరెక్టర్ సుహాస్ ఎంచుకున్న కథ, కథనాలు మంచి డ్రైవింగ్ పాయింట్స్. ఆద్యంతం ట్విస్టులతో స్క్రీన్ ప్లేని నడిపిన తీరు ఉత్కంఠను రేపుతుంది. చివరి వరకు సస్పెన్స్ ని కొనసాగించిన తీరు ఆకట్టుకుంటుంది. పెద్దగా ప్యాడింగ్ కి ప్రాధాన్యత ఇవ్వకపోయినా.. కథ కథనాలను నమ్ముకుని ఎక్కడా బోరింగ్ అనిపించకుండా సినిమాని తెరకెక్కించి సక్సెస్ అయ్యారు. సత్య కశ్యప్ అందించిన రెండు పాటలు బాగున్నాయి. కార్తీక్ కడగండ్ల అందించిన బ్యాక్ గ్రౌండ్ స్కోర్ ఓ థ్రిల్లర్ మూవీకి ఎలా వుండాలో అలానే ఉంది. ఆడియన్స్ ను విపరీతంగా ఆకట్టుకుంటుంది. ఆర్.కె.వల్లెపు సినిమాటోగ్రఫీ రిచ్ గా వుంది. ఆర్టిస్టుల ను చాలా అందగా చూపించారు. విజువల్స్ బాగున్నాయి. ఎడిటింగ్ క్రిస్పీగా వుంది. ఎడిటర్ సురేష్ దుర్గం సీన్స్ ని... ఏర్చి కూర్చడంలో తన ప్రతిభను చూపించాడు. నిర్మాతలు రాంకీ పలగని, లలిత కుమారి, బాలయ్య చౌదరి సినిమాను మంచి అత్యుత్తమ నిర్మాణ విలువలతో నిర్మించారు. ఖర్చుకి ఎక్కడా వెనుకాడలేదు. గో అండ్ వాచ్ ఇట్..!!!
రేటింగ్: 3
