Home » » Tremendous Response for Gaalodu Teaser

Tremendous Response for Gaalodu Teaser

 యాక్ష‌న్ మోడ్‌లో సుడిగాలి సుధీర్‌..గాలోడు టీజ‌ర్‌కి ట్రెమండ‌స్ రెస్పాన్స్‌



సుడిగాలి సుధీర్ ‍‍‍హీరోగా రాజ‌శేఖ‌ర్ రెడ్డి పులిచ‌ర్ల ద‌ర్శ‌క‌త్వంలో వ‌చ్చిన `సాఫ్ట్‌వేర్ సుధీర్` సినిమా క‌మ‌ర్షియ‌ల్ గా మంచి విజ‌యం సాధించింది. మళ్లీ ఇదే క్రేజీ కాంబినేష‌న్‌లో ప‌క్కా మాస్ ఎంట‌ర్టైన‌ర్‌గా `గాలోడు` చిత్రం రూపొందుతోంది. గెహ్నా సిప్పి హీరోయిన్‌గా ప‌రిచ‌య‌మ‌వుతుండ‌గా  ప్ర‌కృతి స‌మ‌ర్ప‌ణ‌లో సంస్కృతి ఫిలింస్ ఈ చిత్రాన్ని నిర్మిస్తోంది. ఇప్ప‌టికే విడుద‌లైన ఫ‌స్ట్ లుక్ మోష‌న్‌ పోస్ట‌ర్‌లో సుధీర్ మాస్‌లుక్‌కి మంచి రెస్పాన్స్ వ‌చ్చింది.


ఇటీవ‌ల `గాలోడు` మూవీ టీజ‌ర్‌ని హైద‌రాబాద్ కూక‌ట్‌ప‌ల్లిలోని ఓ అనాథాశ్ర‌మంలో విడుద‌ల చేసింది చిత్ర యూనిట్‌. సాఫ్ట్‌వేర్ సుధీర్‌గా క్లాస్ రోల్‌లో మెప్పించిన సుధీర్ గాలోడు టీజ‌ర్‌లో ప‌క్కా మాస్‌రోల్‌లో క‌నిపించి ఆశ్చ‌ర్య‌ప‌రిచాడు. ఒక నిమిషం క‌న్నా త‌క్కువ నిడివి ఉన్న టీజ‌ర్‌లో మాస్ అండ్ యాక్ష‌న్ స‌న్నివేశాల్లో అద‌ర‌గొట్టాడు. ``అదృష్టాన్ని నమ్ముకున్నవాడు కష్టాల పాలవుతాడు.. కష్టాన్ని నమ్ముకున్న వాడు అదృష్టవంతుడవుతాడు. కానీ నేను ఈ రెండిటిని నమ్ముకోను.. నన్ను నేను నమ్ముకుంటాను” అనే డైలాగ్ తో ఈ సినిమాలో సుధీర్ క్యారెక్ట‌ర్ ఎలా ఉండ‌బోతుందో  హింట్ ఇచ్చారు మేక‌ర్స్‌. ఇది పక్కా మాస్ మూవీ అని టీజర్ ద్వారా చెప్పకనే చెప్పిన చిత్ర‌ యూనిట్ స్పెషల్ విజువల్స్‌తో సినిమాపై ఆసక్తిని పెంచారు.


ఈ సంద‌ర్భంగా చిత్ర ద‌ర్శకుడు రాజ‌శేఖ‌ర్ రెడ్డి పులిచ‌ర్ల మాట్లాడుతూ - ``సుధీర్ హీరోగా నేను డైరెక్ట్ చేసిన ఫ‌స్ట్ మూవీ `సాఫ్ట్‌వేర్ సుధీర్` క‌మ‌ర్షియ‌ల్ గా మంచి విజ‌యం సాధించింది. ఆ స‌క్సెస్ ఇచ్చిన ఉత్సాహంతోనే  స్వీయ ద‌ర్శ‌కత్వంలో `గాలోడు` సినిమాను నిర్మిస్తున్నాను. టీజ‌ర్ విడుద‌లైన రోజు నుండి ఈ రోజు వ‌ర‌కూ యూ ట్యూబ్‌లో ట్రెండింగ్‌లోనే ఉండ‌డంతో మాకు సినిమాపై మ‌రింత కాన్పిడెన్స్ పెరిగింది. యాక్షన్ అండ్‌ మాస్ ఎలిమెంట్స్‌తో రూపొందిన `గాలోడు` సినిమా కచ్చితంగా సుధీర్ కి టర్నింగ్ పాయింట్ అవుతుంది. రెండు పాట‌లు మిన‌హా టాకీపార్ట్ మొత్తం పూర్త‌య్యింది. ఆ రెండు పాట‌ల‌ను విదేశాల్లో చిత్రీక‌రించనున్నాం`` అన్నారు


సుడిగాలి సుధీర్, గెహ్నా సిప్పి, స‌ప్త‌గిరి, పృథ్విరాజ్, శ‌క‌ల‌క శంక‌ర్‌, స‌త్య క్రిష్ణ‌  త‌దిత‌రులు న‌టిస్తోన్న ఈ చిత్రానికి

సినిమాటోగ్ర‌ఫి: సి రాం ప్ర‌సాద్‌

సంగీతం: భీమ్స్ సిసిరోలియో

ప్రొడ‌క్ష‌న్ కంట్రోల‌ర్‌: బిక్ష‌ప‌తి తుమ్మ‌ల‌

స‌మ‌ర్ప‌ణ‌: ప్రకృతి

బేన‌ర్‌: సంస్కృతి ఫిలింస్‌,

ర‌చ‌న - ద‌ర్శ‌క‌త్వం: రాజ‌శేఖ‌ర్ రెడ్డి పులిచ‌ర్ల‌.


Share this article :
 
Copyright © 2015. TeluguCinemas.in | Telugu Cinemas - All Rights Reserved
Thank You Visit Again