ఇప్పుడు మన హీరోలు, దర్శకులు... ఎవర్ని చూసినా తమకు తమన్ కావాలంటున్నారు. అతని సంగీతానికి ఈవేళ టాలీవుడ్ లో అంతటి డిమాండ్ వుంది మరి. అందుకే బిజీ బిజీగా మారిపోయాడు తమన్. ఈ నేపథ్యంలో సీనియర్ నటుడు అక్కినేని నాగార్జున కూడా తన కొత్త చిత్రానికి సంగీత దర్శకుడిగా అతనికే ఓటేశాడు. దశరథ్ దర్శకత్వంలో నాగార్జున హీరోగా నటించనున్న చిత్రానికి మ్యూజిక్ డైరెక్టర్ గా తమన్ ఎంపికయ్యాడు. కామాక్షి మూవీస్ అధినేత డి.శివప్రసాద్ రెడ్డి నిర్మించే ఈ చిత్రం షూటింగు త్వరలో ప్రారంభం కానుంది. ఇందులో కథానాయికగా నయనతార ఇప్పటికే ఎంపికైన సంగతి మనకు తెలిసిందే!
Post a Comment