Home » » Director Sunil Kumar Reddy Interview About Honey Trap

Director Sunil Kumar Reddy Interview About Honey Trap

 ఎమోషనల్ రొమాంటిక్ థ్రిల్లర్ గా తెరకెక్కిన "హనీ ట్రాప్" ను సెప్టెంబర్ 17న విడుదల చేస్తున్నాం - దర్శకుడు సునీల్ కుమార్ రెడ్డి



సొంత ఊరు, గంగపుత్రులు, గల్ఫ్, ఒక రొమాంటిక్ క్రైమ్ కథ, ఒక క్రిమినల్ ప్రేమ కథ లాంటి ఎన్నో చిత్రాలకి దర్శకత్వం వహించి...  18 స్టేట్ అవార్డ్స్ అందుకుని విమర్శకుల ప్రశంసలందుకొన్న దర్శకుడు సునీల్ కుమార్ రెడ్డి. ఇప్పుడు 'హనీ ట్రాప్' అనే  చిత్రంతో  ఈనెల 17న ప్రేక్షకుల ముందుకు వస్తున్నాడు.


రిషి, శిల్ప నాయక్, తేజు అనుపోజు, శివ కార్తీక్ ప్రధాన పాత్రల్లో...  భరద్వాజ్ సినీ క్రియేషన్స్ పతాకంపై వి.వి.వామనరావు నిర్మాతగా సునీల్ కుమార్ రెడ్డి దర్శకత్వంలో తెరకెక్కిన ఈ చిత్రం... ఈ నెల 17న రెండు తెలుగు రాష్ట్రాల్లోనూ విడుదలవుతోంది.


ఈ సందర్భంగా దర్శకుడు  సునీల్ కుమార్ రెడ్డి మాట్లాడుతూ... "గతంలో నా దర్సకత్వంలో తెరకెక్కిన ఒక రొమాంటిక్ క్రైమ్ కథ, ఒక క్రిమినల్ ప్రేమ కథ లాంటి చిత్రాలు మంచి విజయాలు సాధించాయి. ఇప్పుడు తెరకెక్కించిన 'హనీ ట్రాప్'  కూడా అలాంటి కోవకు చెందిన ఓ మంచి మెసేజ్ ఉన్న సినిమా. ఈ చిత్ర కథ మా నిర్మాత వి.వి.వామనరావు గారిదే. నేను మాటలు, దర్శకత్వం వహించాను. హనీ ట్రాప్ అనేది ఒక అంతర్జాతీయ అంశం. ఈ కాన్సెప్ట్ మీద 3, 4 చిత్రాలు చేసేంత మెటీరియల్ ఉంది. ప్రతిరోజూ మనం పత్రికల్లో ఈ హనీ ట్రాప్ కథలు చదువుతూనే ఉన్నాం. ఈ ట్రాప్ లో చాలా మంది  ఏదో రకంగా చిక్కుకుని ఉన్నారు. ఈ ట్రాప్ లో అమ్మాయిలు, అబ్బాయిలు అందరూ మోసపోతున్నారు. సోషల్ మీడియా వల్ల ఇప్పుడు చాలా సులభంగా మోసం చేసేయవచ్చు. అలాంటి అంశాలను కూడా ఇంటెరెస్టింగ్ గా యూత్ ని ఆకర్శించే విధంగా సినిమా తీసాము.


ఈ చిత్రంలో అందరూ కొత్త వాళ్లే. రుషి, మిస్ వైజాగ్  శిల్ప మరియు తేజు అనే యంగ్ టాలెంట్ ని పరిచయం చేస్తున్నాము. మా నిర్మాత కూడా మంచి పాత్ర చేసారు. లజ్జ సినిమా లో  హీరో గా నటించిన  శివ కార్తీక్ ఒక యంగ్ పొలిటిషన్ పాత్ర లో నటించాడు.

నాకు కమర్షియల్ సక్సెస్ ఇచ్చిన సినిమాలు ఉన్నాయి, ప్లాప్ అయిన సినిమాలు ఉన్నాయి. ఫలితం పక్కన పెడితే ఫిలిం మేకింగ్ ప్రాసెస్ అంటే నాకు చాలా ఇష్టం. మనం ఒక కథకి సినిమా రూపం లో ప్రాణం పోస్తాము. ఈ ప్రక్రియ నాకు ఇష్టం. అందుకే సినిమా అంటే ప్యాషన్ .


నేను చేసే ప్రతి సినిమాలో రొమాన్స్ అంతర్లీనంగా  ఉంటుంది. నాకు అవార్డ్స్ తెచ్చిపెట్టిన సొంత ఊరు, గంగ పుత్రుల్లో కూడా రొమాన్స్ ఉంది. మన తల్లిదండ్రుల ప్రేమకు చిహ్నమే మనం. మరి అలాంటి ప్రేమని ఎందుకు చూపించకూడదు. మన సమాజం లో ఉన్న ఎన్నో రుగ్మతలను ధైర్యంగా చర్చించుకోవటం లేదు. అలాంటి విషయాలు చర్చించటానికి నేను  ఒక రొమాంటిక్ క్రైమ్ కథ, ఒక క్రిమినల్ ప్రేమకథ, హనీ ట్రాప్ లాంటి సినిమాలు చేశాను.


ఒక సినిమా దర్శకుడుని మీరు ఇలాంటి చిత్రాలు ఎందుకు చేస్తున్నారు అని అడిగితే... ఒక 9 వ తరగతి చదువుతున్న అమ్మాయిని ఎవరైనా ఏమైనా చేస్తే ఆ అమ్మాయి సొసైటీ ముందుకు వచ్చి నాకు ఇలా జరిగింది అని ఎలా చెప్తుంది? ఒక క్రిమినల్ ప్రేమ కథ సినిమాల విడుదల తర్వాత  చాలా మంది బాధితులు పోలీసులును ఆశ్రయించారని నాకు పోలీస్ ల ద్వారానే తెలిసింది.



హనీ ట్రాప్ అనేది ఒక రొమాంటిక్ థ్రిల్లర్ సినిమా. అద్భుతమైన హ్యూమన్ ఎమోషన్ తో చిత్రీకరించాము. ఈ నెల సెప్టెంబర్ 17న విడుదల అవుతుంది.  అందరికీ నచ్చుతుందని భావిస్తున్నా.


ఈ చిత్రం తరువాత ఇంకా మూడు సినిమాలు నా దర్శకత్వంలో తెరకెక్కుతున్నాయి. ఇందులో మొదటిది "వెల్కమ్ టు తీహార్ కాలేజీ". ఇది మన ఎడ్యుకేషన్ సిస్టమ్ గురించి  చెప్పే సినిమా. విడుదల కి సిద్ధంగా ఉంది. దీని తర్వాత ఇంకా రెండు సినిమాలు ఉన్నాయి. చదలవాడ శ్రీనివాస్ గారు ఒక సినిమా  నిర్మిస్తున్నారు. ఇది తండ్రి కొడుకుల కథ. నక్సలిజం బ్యాక్ డ్రాప్ లో ఉంటుంది. ఇంకో సినిమాకి బాపిరాజు గారు నిర్మాత. త్వరలో ఈ రెండు సినిమాల గురించి అన్ని వివరాలు చెబుతా" అంటూ ముగించారు.


Share this article :
 
Copyright © 2015. TeluguCinemas.in | Telugu Cinemas - All Rights Reserved
Thank You Visit Again