భారి రేటు పలికిన ఈగ

 శాటిలైట్ హక్కుల అమ్మకంలో 'ఈగ' రికార్డ్ సృష్టించింది  విడుదలకి ముందే 'ఈగ' సినిమా  సంచలనాలు నమోదు చేస్తూ వస్తోంది. ఇప్పుడదే ప్రత్యేకతను శాటిలైట్ హక్కుల అమ్మకంలోనూ మరో సారి చాటుకుంది. కథాపరంగానూ గ్రాఫిక్స్ పరంగాను ఆదినుంచి ఈ సినిమా ఆసక్తిని రేకెత్తిస్తూనే వుంది. ఈ కారణంగానే ఈ హక్కులు పొందేందుకు పెద్ద మొత్తంలో డిస్ట్రిబ్యూటర్లు పోటీ పడ్డారు. దాంతో 5 కోట్ల 50 లక్షలకి ఈ సినిమా శాటిలైట్ హక్కులు అమ్ముడు పోయినట్టు తెలుస్తోంది. అగ్ర కథానాయకుల సినిమాలకి జరిగే రేంజ్ లో ఈ సినిమాకి బిజినెస్ జరగడం పట్ల ఇండస్ట్రీ వర్గాలు ఆశ్చర్యాన్ని వ్యక్తం చేస్తున్నాయి. ఈ స్థాయిలో బిజినెస్ కావడానికి దర్శకుడిగా రాజమౌళి సాధిస్తోన్న సక్సెస్ లే  కారణమని అంటున్నారు. ఓ వైపున విభిన్నమైన కథ ... మరో వైపున గ్రాఫిక్స్ మాయాజాలం ... ఇంకో వైపున సమంతా అందచందాలు ప్రధాన ఆకర్షణగా నిలవనున్న ఈ సినిమా మార్చ్ 22 న ఆడియో వేడుకని జరుపుకోనున్నట్టు తెలుస్తోంది.