గీతా ఆర్ట్స్ ఫిలిం డిస్ట్రిబ్యూషన్ ద్వారా శింబు నటించిన "ది లూప్" చిత్రం విడుదల
"ది లూప్" సినిమాను తెలుగులో విడుదల చేస్తున్న అల్లు అరవింద్, బన్ని వాసులకు ధన్యవాదాలు.. సాయిసన్ శింబు
మన్మధ, వల్లభ చిత్రాలతో తెలుగు చిత్ర పరిశ్రమలో గుర్తింపు తెచ్చుకున్న మల్టీ టాలెంటెడ్ నటుడు శింబు. వి.హౌస్ ప్రొడక్షన్ పతాకంపై సాయిసన్ శింబు, యస్.జె.సూర్య, కల్యాణి ప్రియదర్శిని నటీనటులుగా వెంకట్ ప్రభు దర్శకత్వంలో సురేష్ కమాట్చి నిర్మించిన తమిళ్ చిత్రం "మానాడు" ను తెలుగులో "ది లూప్" పేరుతో డబ్బింగ్ చేశారు. తెలుగులో వస్తున్న ఈ "లూప్" చిత్రాన్ని గీతా ఆర్ట్స్ డిస్ట్రిబ్యూషన్ ద్వారా అల్లు అరవింద్, బన్ని వాసులు గ్రాండ్ గా తెలుగులో విడుదల చేస్తున్నారు. అన్ని కార్యక్రమాలు పూర్తి చేసుకుని విడుదలకు సిద్ధమైన సందర్భంగా హీరో సాయిసన్ శింబు పాత్రికేయ మిత్రులతో మాట్లాడుతూ
వెంకట్ ప్రభు అద్భుతమైన దర్శకుడు.తను తీసే విధానం చాలా బాగుంటుంది.తను చెప్పిన కథ, స్క్రిప్ట్ నచ్చి ఈ సినిమా చేస్తున్నాను.పొలిటికల్ బ్యాక్ డ్రాప్ లో వస్తున్న ఈ సినిమాలో యస్.జె సూర్య గారికి నాకు ఈ సినిమాలో టామ్ & జెర్రీ లాంటి సీన్స్ ఉంటాయి.ఈ చిత్రంలో నేను హంతకుడి పాత్రను పోషిస్తుండగా, ఎస్‌జె సూర్య పోలీసు ఆఫీసర్ గా నటిస్తున్నాడు.
టైం లూప్ అనేది ఒక్క రోజులోనే జరుగుతుంది.. కానీ వేరే వేరే టైమ్స్ లో జరిగే స్టోరీ ఇది. పొలిటికల్ బ్యాక్ డ్రాప్ లో వస్తున్న ఈ సినిమాకు నిర్మాతలు ఎన్నో ఇబ్బందులు ఎదుర్కొన్నారు. మేమంతా ఈ సినిమా కొరకు చాలా కష్టపడి పని చేశాము.కథ డిమాండ్ మేరకు ఈ సినిమా కోసం 27 కిలోల బరువు తగ్గాను.
ఈ సినిమా చూస్తున్న ప్రేక్షకులకు నెక్స్ట్ ఎం జరుగుతుంది అనే క్యురియాసిటీ కలిగిస్తుంది.ఇందులో ఫైట్స్ హైలెట్ గా నిలుస్తాయి. సినిమాటోగ్రఫీ చాలా బాగుంటుంది. ఈ సినిమా చూసిన ప్రతి ఒక్కరికీ కచ్చితంగా కనెక్ట్ అవుతుంది.
జర్నలిస్ట్ లు అందరూ మీరు పెళ్లి ఎప్పుడు చేసుకుంటారు అంటే.. మీరే మంచి పిల్లను చూసి చెపితే చేసుకుంటాను అన్నారు (నవ్వుతూ)..ఇందులో హీరోయిన్ ఉన్నా కూడా కథలో భాగంగా వస్తుంది. అంతేగానీ తనతో నాకు లవ్ ట్రాక్ ఉండదు. ఒకటే సాంగ్ ఉంటుంది.ఇంకొకటి థీమ్ సాంగ్ ఉంటుంది.
సంగీత దర్శకుడు యువన్ శంకర్ రాజా మన్మధ, వల్లభ సినిమాలకు మంచి మ్యూజిక్ ఇచ్చాడు.తను గ్రేట్ మ్యూజిక్ డైరెక్టర్ .ఇప్పుడు తను చేస్తున్న ఈ సినిమాలో పాటలకు ఎక్కువ స్కోప్ లేదు కానీ బ్యాగ్రౌండ్ స్కోర్ కే ఎక్కువ ప్రాధాన్యత ఉంది.
కరోనా కారణంగా తెలుగులో గ్యాప్ వచ్చింది.ఇక నుండి నా ప్రతి సినిమాను తెలుగులో డబ్ చేస్తాను.. అలాగే మంచి కథ దొరికితే తెలుగులో స్ట్రెయిట్ ఫిల్మ్ చేయడానికి సిద్ధంగా ఉన్నాను.నా సినిమాను తెలుగులో అల్లు అరవింద్, బన్ని వాసు గార్లు విడుదల చేస్తున్నందుకు చాలా సంతోషంగా ఉంది వారికి నా ధన్యవాదాలు
ఈ సినిమా తరువాత గౌతమ్ మీనన్ తో మూడవ సారి సినిమా చేస్తున్నాను. ఇది తెలుగులో విడుదల అవుతుంది. గౌతమ్ కార్తీక్ తో కన్నడ రీమేక్ ఒక సినిమా చేస్తున్నాను.ఈ రెండు సినిమాలకు కూడా ఏ.ఆర్. రహమాన్ గారు మ్యూజిక్ ఇస్తున్నారు.అలాగే గోకుల్ డైరెక్షన్ లో కరోనా పేసెంట్ గా "కరోనా కుమార్" మూవీ చేస్తున్నాను.ఇది వెరీ ఫన్నీ లవ్ స్టోరీ చేస్తున్నాను అని ముగించారు.
